ഒരിറ്റു കണ്ണുനീര്‍ ...!!!
ഇനി നമുക്ക്
പ്രകീര്‍ത്തിക്കാം
ആശംസകള്‍ അര്‍പ്പിക്കാം
മഹത്വങ്ങള്‍ വാഴ്താം ...!
ഇനി നമുക്ക്
അവകാശപ്പെടാം
സ്വന്തമെന്നു
അഭിമാനിക്കാം ..!
ഇനി നമുക്ക്
അവര്‍ക്ക് വേണ്ടി
വിലപിക്കാം
അവരെ
മാതൃകയാക്കാം ..!
കാരണം
ജീവിച്ചിരുന്നപ്പോള്‍
നമ്മളവരെ
മതിവരുവോളം
വേട്ടയാടിയല്ലോ ...!
കുത്തിനോവിച്ചു
പിന്നെയും
ആ മുറിവുകളില്‍
നമ്മള്‍ വിഷം തേച്ചു
ആവോളം രസിച്ചല്ലോ ...!
നമ്മളെ മാത്രം
സ്നേഹിചതിന്റെ
ശിക്ഷയായി
നമ്മളവരെ
ആട്ടിയോടിച്ചുവല്ലോ ..!
കപടമായ
ഈ ലോകത്ത്
തന്റെ ജീവിതം
വായനയ്ക്ക് വെച്ചതും
മനസ്
മറ്റുള്ളവര്‍ക്കായി
തുറന്നുകൊടുത്തതും
കൊടിയ
അപരാധം തന്നെ ...!!!
ഇനി
ആര്‍ക്കും
എന്തും പറയാം ..!
ജീവിച്ചിരിക്കെ
പരസ്യമായി മറ്റുള്ളവര്‍
ഉപദ്രവിക്കുമ്പോള്‍ പോലും
ഒരക്ഷരം മിണ്ടാതിരുന്ന
എല്ലാ മഹാന്മാര്‍ക്കും
ഇനി ഘോരഘോരം
പ്രസംഗിക്കാം ...!
മലയാളിയുടെ
കപടമായ
സദാചാര ചിന്തകള്‍ക്കുമേല്‍
അവരുടെ ശബ്ദം
ഇനിയുയരില്ലല്ലോ ...!!!
7 comments:
""ജീവിച്ചിരിക്കെ
പരസ്യമായി മറ്റുള്ളവര്‍
ഉപദ്രവിക്കുമ്പോള്‍ പോലും
ഒരക്ഷരം മിണ്ടാതിരുന്ന
എല്ലാ മഹാന്മാര്‍ക്കും
ഇനി ഘോരഘോരം
പ്രസംഗിക്കാം ...! ""
++++++
വളരെ വാസ്തവം സുരേഷ്........
ഒരിറ്റു കണ്ണുനീരെങ്കിലും അവര്‍ക്കായി മാറ്റി വെക്കാന്‍ എനിക്ക് കഴിയുന്നു എന്നത് അവരോടുള്ള ബഹുമാനം കൊണ്ട് തന്നെയാണ്. എന്റെ ആദരാഞ്ജലികള്‍..
എനിക്ക് ഒരുപാട് ഇഷ്ടമുള്ള എഴുത്തുകാരിയായിരുന്നു മാധവിക്കുട്ടി .ഇന്ന് ഒത്തിരി സമയം വിഷമത്തോടെ ആ അമ്മയുടെ ,ടി വി ചാനല്സ്‌ കാണിച്ചു ക്കൊണ്ടിരിക്കുന്ന സംഭാഷണവും കേട്ടുകൊണ്ടിരുന്നു .. അവരുടെ വേര്‍പാട് സാഹിത്യ ലോകത്തിനു നികത്താന്‍ പറ്റാത്ത നഷ്ടമാണ് ..അവര്‍ക്കുമരണമില്ല ..അവരുടെ സാഹിത്യരചനകളിലൂടെ നമ്മളില്‍ ജീവിക്കും ...ആ അമ്മയ്ക്ക് എന്റെ aatharaanjalikal ..
കവിതയുടെ ലോകത്ത് താങ്കൾ കുറച്ചു വരികളുടെ എഴുത്തുകാരനാണു. പക്ഷെ ഇവിടെ വാചാലാനായതു കണ്ടു. മനോഹരം ഈ വരികൾ, കണ്ണുനിരിനു പ്രണാമം
Hats off Suresh. I hug you.
അതേ.....
:(
Avare Nammal kanan pokarullathu orthupokunnu.
Post a Comment